"BIG BROTHER"

Faqja 3 e 3 Previous  1, 2, 3

Shko poshtë

Re: "BIG BROTHER"

Mesazh nga ADMIN prej Tue May 12, 2009 7:36 pm

Sori: Pse jam xheloz për mamatë
BIG BROTHER 2/ Shakatë e "banoreve" të reja. Bjordi: Ndjehem në siklet


Të përzgjedhura për t‘u bërë pjesë e një eksperience të veçantë, mamatë e banorëve janë përshtatur mjaft mirë në shtëpi. Madje ata kanë filluar t‘i shikojnë ato si "konkurrente" që kanë tërhequr vëmendjen e publikut. Antoneta, e ëma e Bjordit, në emër edhe të gjithë mamave të tjera, ka bërë kërkesën që fituesi të organizojë një udhëtim turistik posaçërisht për to.

Debat mes Antonetës dhe Qetsorit

Mamaja e Bjordit i vë në dukje Qetsorit disa tipare të karakterit të tij lidhur me debatet që ai bën. Ky mendim i saj mbështetet edhe nga Bjordi, i cili shton se nëse mamaja e tij do të ishte futur në "Big Brother", padyshim do ta kishte fituar dhe do të ngacmoheshin përherë me Sorin, sepse ajo është natyrë luftarake dhe nuk do të dëshironte që Sori ta njihte atë aspekt të karakterit të saj. Mamaja e Bjordit i thotë Sorit që teleshikuesit i njohin më mirë nga sa njohin ata njëri-tjetrin. Më pas ata nisin një debat mbi egoizmin dhe mëshirën. Duket se asnjëri nuk i lëshon pe tjetrit. Bisedojnë mbi situata të ndryshme në shtëpi. Më pas të dy flasin mbi jetët e tyre.

Pas një dreke të mrekullueshme, Ari me Bjordin dalin në oborr. Ari e pyet nëse mamatë do dalin sot apo nesër nga shtëpia. Bjordi nuk e di me siguri, por mendon se mund të dalin nesër. Gjithsesi ata e kanë pak merakun e debateve që mund të zhvillohen me mamatë, por Ari e qetëson duke i thënë se debatin do ta moderojnë ata dhe nuk do t‘i lënë t‘u dalë situata nga duart. Më pas flasin për ngjashmëritë që kanë me mamatë e tyre. Bjordi thotë që i ngjan të ëmës, por ajo është karakter më i fortë se ai. Ari nuk është dakord, duke i thënë se ai tani është ende shumë i ri, por kur të rritet do t‘i dalë më në pah fortësia e karakterit. Adi thotë që e ka parë në disa raste karakterin luftarak të Bjordit, si te gara me makina. Ai është i mendimit se është inati dhe egoizmi që e shtyn personin të ecë në jetë, njësoj si në sport. Adi thotë që nëse nuk do jesh egoist, nuk mund të jesh dot një lider. Biseda vazhdon mbi arrogancën e njerëzve, si dhe situatën në Shqipëri.

Udhëtim për nënat finaliste

Të ulur në oborr, mamaja e Bjordit bën publike një kërkesë, që me sa duket kanë rënë dakord edhe mamatë e tjera. Ato bëjnë kërkesë që banorët t‘u dhurojnë një udhëtim jashtë, ekskluzivisht për mamatë. Sori pyet se ku do të kishin dëshirë ato të udhëtonin? Më pas shton se nuk do të influencohet nga banorët e tjerë dhe do t‘u bëjë një udhëtim me avion privat çarter. Pasi u mor premtimi i Qetsorit mbi udhëtimin, nëse do të jetë ai fituesi i çmimit, biseda vazhdon rreth vendeve turistike që mund të shkojnë mamatë e finalistëve.

"E dija që në finale do ishim ne"

Bjordi hap bisedën lidhur me finalen dhe tregon se që më parë e ka parashikuar se në finale mund të ishin këta persona që janë tani. Disa prej banorëve shprehen se pak a shumë e mendonin kështu, por siguri për mendime të tilla asnjë nuk kishte. Sori bën shaka me Bjordin dhe e pyet nëse e kishte parashikuar që do të vinin dhe pesë banoret e reja dhe ai i përgjigjet se e parashikoi vetëm pesë minuta para se ato të hynin në derë. Sori tregon se i bëri përshtypje që po përgatitej dhoma tjetër ashtu siç ishte më parë, por nuk ia merrte mendja se mund të vinin banorë të rinj, për më tepër familjarë të tyre.

"Na mungon Moza"

Djemtë ndodhen të vetëm në dhomën e gjumit. Edhe pse janë shtrirë për të fjetur, bisedat mes tyre nuk mungojnë. Ata nuk harrojnë të kujtojnë banoret e fundit të eliminuara dhe disa pjesë nga spektakli. Ata kujtojnë Mozën me batutat dhe të qeshurën e saj karakteristike dhe shprehen se e ndjejnë mungesën e saj. Bjordi kujton kur ajo u përball me Tanin dhe përgjigjen e saj që shkaktoi shumë të qeshura te publiku, sepse tha që ka bërë të njëjtat gjëra si ai. Sipas tij, ishte Moza ajo që shkaktoi eliminimin e Tanit, pasi ai u përball me të gjatë javës që ishin të dy në nominim dhe Moza ia ktheu duke i thënë se po merrej me të sepse ajo ishte më e vogla. Ata vazhdojnë të qeshin duke kujtuar edhe batutat mes tyre. Sori thotë se Adi binte shpesh dakord me mendimin e Mozës për ndonjë bisedë, ndërkohë që ajo mund të ishte në gjumë, ose nuk merrte pjesë fare në bisedë.

"Jam xheloz për mamatë tona"

Ndërsa djemtë presin të flenë gjumë, në dhomën e nënave të tyre dëgjohen të qeshura dhe alegri. Sori i thotë me shaka Arit se tashmë vëmendja iku nga ata dhe u përqendrua tek ato. Për Arin, ato mund të konkurrojnë për famë njësoj si ata, sepse tani janë bërë shumë të njohura. "Ah mor Ari, kush e kishte parashikuar kështu!", thotë Sori duke qeshur dhe shton se ndjehet xheloz për nënat e tyre, sepse po argëtohen pa masë në shtëpi. Të njëjtën bisedë bëjnë edhe Bjordi me Adelën, të cilët ndodhen në kuzhinë. Adela shprehet se mamatë e tyre po bëjnë vërtet spektakël. "Janë të papame, njësha", shton Bjordi.

Mamatë, grupe rivale

Adela shprehet për mamatë se nuk do ishte keq nëse ato do rrinin edhe disa ditë, ndërsa për Bjordin nuk do ishte as keq, as mirë. Adela kënaqet kur mendon se finalja e "Big Brother" është me mamatë në shtëpi. Bjordi mendon se edhe pak kohë dhe ato do fillojnë nga debatet me njëra-tjetrën, ndërsa Adela shton se do ndahen në grupe rivale dy nga dy. Bjordi i thotë me të qeshur se sido që të ndodhë me to, prapë Adela do jetë ajo që ato do kenë inat. "Si gjithë femrat e tjera, por edhe unë do t‘i eliminoj një nga një", ia kthen Adela.

"Po më qëndron pranë"

Bjordi ndjehet në siklet nga prania e mamave në shtëpi, sidomos nga mami i Adelës. Adela e qetëson dhe i thotë të mos ndjehet ashtu, sepse mamaja e saj nuk është tip që i vë të tjerët në siklet, madje në këto momente është ajo që ndjehet më shumë në siklet sesa të tjerët. Ajo i thotë Bjordit se sa herë ai flet me të, ndryshon mimikën e fytyrës dhe duket që ndjehet shumë në siklet. Bjordi ia kthen se ndjehet në faj, por ajo i thotë se gjërat i ka bërë ajo, por Bjordi insiston se është treguar shumë naiv dhe kjo gjë e bën të ndjehet kështu. Adela tregon se e kishte pyetur të ëmën se përse kishte ardhur dhe ajo i ishte përgjigjur se nuk donte ta linte vetëm. "Do isha ndjerë shumë keq nëse do kishin ardhur të tjerat dhe mami im jo", thotë Adela.

"Më pëlqen mami jot"

Adela tregon se mami i vet nuk i ka dhënë asnjë informacion nga jashtë, veçse ka takuar të gjithë banorët e eliminuar. Ajo tregon përshtypjet e mamasë së saj dhe thotë se të gjithë i janë dukur shumë të mirë. Adela i ka kujtuar se një pjesë të tyre i kishte kundërshtarë, por e ëma e ka këshilluar se ata ishin sa për lojë, ndërsa jashtë, kur t‘i njohë realisht, ka për të pasur marrëdhënie shumë të mira me të gjithë. Bjordi thotë se mami i saj paska thënë fjalë të mira për të gjithë dhe uron që dhe për lidhjen e tyre ta konceptojë në këtë formë. Adela mendon se kjo gjë është ndryshe, sepse këto kanë të bëjnë me tjetër aspekt, nderin. Ata bisedojnë edhe për mamin e Bjordit dhe Adela shprehet se ajo e ka provokuar në disa raste. Bjordi i thotë se ajo e ka tipin të tillë, por Adelën e do. Për Adelën, është më mirë një sjellje e tillë, sesa të shtiret. "Më pëlqen", shprehet ajo. Bjordi e komenton sjelljen e së ëmës si një mënyrë për të parë se sa e fortë është Adela.

"Nominimet e mamave

Mamatë e banorëve flasin për nominimet e tyre që kanë bërë në dhomën e rrëfimeve përballë Vëllait të Madh. Mami i Bjordit shprehet se ka nominuar mamin e Adelës, me motivin se rri shumë në kolltuk, nuk është aktive dhe nuk merr pjesë në debate. Mami i Sorit tregon se e kishte nominuar Antonetën si konkurrente të fortë. Adela dhe Bjordi vetëm qeshin me batutat e mamave dhe thonë se i kanë imituar mirë. Sori i thotë mamasë së tij të mos mërzitet nëse del, sepse dihet që nominimet e para janë të padrejta. Ari vjen dhe u thotë se ato po i nxjerrin jashtë loje ata dhe nëse ishte vendosur që ato të dilnin, me këtë që po ndodh nuk kanë për të dalë më. Antoneta vazhdon të tregojë historinë e nominimit të banoreve të reja, ku në nominim dolën mamaja e Adelës dhe mamaja e Sorit. Mira, e cila bënte rolin e Arbanës, i udhëzonte për vazhdimin e spektaklit, ku dy të nominuarat do të shkonin te zona e tunelit dhe bëri lajmërimin për një eliminim të dytë. Mamatë vazhdojnë të tregojnë me radhë historinë, ndërsa banorët e vërtetë nuk pushojnë së qeshuri.

"Këtu është ndryshe"

Adela dhe mamaja e saj rrinë në dhomë bashkë. Adela e shikon që ajo është pak në siklet dhe e pyet se si ndjehet. Mami i saj i përgjigjet se e vënë në siklet kamerat dhe ndjehet më mirë kur nuk e shohin të tjerët. Adela përpiqet ta qetësojë. Ajo e pyet se si i duket tani që po jeton vetë në këtë shtëpi. Sania i thotë se i duket ndryshe, por shumë mirë. Adela i thotë se nëse ajo nuk do ta kishte provuar, nuk do ta kishte besuar atë, sado që të përpiqej t‘ia shpjegonte mënyrën e jetesës aty. Mamaja e Adelës vazhdon të qëndrojë si mbi gjemba, sado që Adela bisedon me të, por përgjigjet e saj janë shumë të shkurtra. Adela e pyet nëse i rrihet më brenda në shtëpi, por mamaja e saj e mohon duke lëvizur kokën. Adela ia kthen me të qeshur se të gjithë luftojnë të futen brenda, ndërsa ajo kërkon të dalë jashtë.

Në siklet prej mamave

Banorët e vërtetë ndjehen jo shumë në formë që mamatë e tyre po bashkëjetojnë me ta. Atyre u duket sikur vëmendja është më shumë e përqendruar tek ato, sesa tek ata. Shpesh herë me shaka e vënë në dukje këtë gjë. Edhe bisedat mes tyre janë pak të vakura dhe shpesh futen nëpër bisedat e mamave të tyre. Sikletin e fëmijëve e kanë vënë re edhe mamatë, por për ta bërë situatën më të këndshme, nuk mungojnë dhe ngacmimet mes tyre. Ato u thonë banorëve se po i pret një surprizë e madhe të premten, gjë kjo që mamatë e kanë bërë me fjalë për t‘i ngatërruar ata. Përveç mamit të Adelës, mamatë e tjera duket sikur janë rehatuar mirë në shtëpi dhe nuk duan të ikin. Ato shprehen se edhe banorët ndjehen mirë mes tyre, madje disa kanë shprehur dëshirën për të ndenjur ende. Por këto i thonë sa për të ngacmuar banorët, dhe shtojnë se edhe kur e thonë këtë gjë, banorët e pranojnë me gjysmë zëri dhe me kokën ulur.
avatar
ADMIN
admin
admin

Numri i postimeve : 902
Points : 859
Reputation : 10
Registration date : 10/01/2009

Shiko profilin e anëtarit http://www.Bajzianet.com

Mbrapsht në krye Shko poshtë

Re: "BIG BROTHER"

Mesazh nga arberia prej Wed May 13, 2009 2:19 am

loje e paparashikuar kjo me mamamte Smile
avatar
arberia
Antar i e shquar
Antar i e shquar

Numri i postimeve : 626
Points : 341
Reputation : 61
Registration date : 19/01/2009

Shiko profilin e anëtarit

Mbrapsht në krye Shko poshtë

Re: "BIG BROTHER"

Mesazh nga ADMIN prej Wed May 13, 2009 4:23 am

Zgjidhen kater finalistet e “Big Brother”


Ari eshte konkurenti qe ka lene shtepine e “Big Brother” gjate edicionit jashte radhe qe u zhvillua mbremjen e sotme.
Votimi i publikut i ka dhene te drejten Qetesorit, Adeles dhe Adit qe te shkojne ne finale.
Bjordi kaloi drejtperdrejt ne finale pasi mori me shume vota nga nenat te cilat zgjodhen per nje nga konkurentet.
Gjate puntates se sotme kane dale edhe nenat te cilat ishin futur te shtunen per t’u dhene mbeshtetje morale femijeve te tyre.
avatar
ADMIN
admin
admin

Numri i postimeve : 902
Points : 859
Reputation : 10
Registration date : 10/01/2009

Shiko profilin e anëtarit http://www.Bajzianet.com

Mbrapsht në krye Shko poshtë

Re: "BIG BROTHER"

Mesazh nga ADMIN prej Wed May 13, 2009 5:43 pm


Ikën Ari. Në finale shkojnë Bjordi, Adela, Adi dhe Sori
Në një spektakël plot surpriza dhe të papritura ka zgjedhur katër finalistët e edicionit të dytë të "Big Brother"


U zhvillua mbrëmë një puntatë e jashtëzakonshme e spektaklit "Big Brother Albania". Në vetvete, ky spektakël ishte një surprizë për vetë banorët, të cilët nuk ishin në dijeni të organizimit të kësaj mbrëmjeje ndryshe për ta. Të ulur në kopsht, në një bisedë të zakonshme të tyre, janë surprizuar teksa kanë dëgjuar zërin e Arbanës, e cila u tha se po u fliste nga studio e "Big Brother", drejtpërsëdrejti nga "Top Channel". Kanë kaluar disa çaste habie, para se banorët dhe nënat e tyre ta besonin se bëhej fjalë për një spektakël të vërtetë. Ndërsa i ka pyetur për prezencën e nënave në shtëpi, banorët janë shprehur se janë kënaqur nga prania e tyre në shtëpi e se do të dëshironin t‘i kishin aty deri në fund. Surpriza e emocione njëherazi kanë kaluar banorët të cilët do të shkojnë në mbrëmjen finale të këtij reality show të organizuar nga televizioni kombëtar "Top Channel". Një tjetër banor u largua spektaklin e mbrëmshëm.

Ari la përfundimisht garën nga një eliminim i papritur për të, atëherë kur kishte menduar se tashmë ishte pjesë e finales së spektaklit të madh. Asnjëri prej banorëve nuk ishte i përgatitur për këtë eliminim. Nënat janë bërë pjesë e emocionit dhe e ankthit. Duke diskutuar për surprizën e futjes së tyre në shtëpi, opinionisti Arjan Konomi ka qenë i mendimit se prania e nënave në shtëpinë e "Big Brother" i ka dhënë një fytyrë të re shtëpisë e madje edhe më shumë hijeshi. Mimoza, e larguar në spektaklin e së shtunës, është shprehur se do të kishte dashur edhe ajo ta përjetonte këtë eksperiencë me nënën e saj. Ndërkaq, sa i përket lidhjes me Polin ajo ka thënë se ende nuk ka folur gjatë e gjerë me të për spektaklin, por ka mohuar të jetë ndarë.

Anjëza rrëfen javën e parë jashtë shtëpisë

Anjëza, e cila gjendet në studio në panelin e konkurrentëve të eliminuar së bashku me Arjonin, thotë se javën jashtë shtëpisë e ka kaluar shumë mirë. "Ishte shumë bukur, jam ndier jashtëzakonisht mirë. Më kishte marrë malli për Arjonin", ka thënë ajo ndërsa ka treguar se një pjesë të mirë të kohës e ka kaluar me Arjonin. Pyetjes së Arbanës nëse kishte menduar për një strategji ajo është përgjigjur se nuk e kishte menduar se do të lidhej me Arjonin, dhe se linja që ajo kishte menduar të ndiqte ishte tërësisht ndryshe.


Nënat shpëtojnë Bjordin

Një tjetër e papritur është menduar gjatë spektaklit të mbrëmshëm për nënat dhe banorët. Arbana u ka komunikuar se do të ishin nënat ato që do të zgjidhnin njërin banor për të shkuar automatikisht në finale. Secila prej tyre ka shkuar në dhomën e rrëfimit për të thënë një emër, përveç fëmijës së tyre. Nga votimet e tyre është zgjedhur Bjordi, i cili shkon direkt në finale. Ai është zgjedhur nga mamaja e Qetsorit dhe e Adelës. Antoneta, mamaja e Bjordit ka zgjedhur Adelën, ndërsa në arsye shpjeguese ka thënë: "Zgjodha Adelajdën, sepse e pashë që zemra e Bjordit rreh atje. Nga jashtë më dukej ndonjëherë se ishte një lojë, kritikoja veten, Adelajdën, por shoh që është e vërtetë". Kunata e Adit ka zgjedhur Arin, ndërsa mamaja e Arit ka zgjedhur Adin. Katër banorët e tjerë kanë dalë në televotim.

Nënat dhe eksperienca në "Big brother"

Për nënat nuk ka qenë aspak e thjeshtë pjesëmarrja në shtëpinë e "Big Brother" e pikërisht për këtë arsye Vëllai i Madh i ka falënderuar ato duke u bërë edhe një surprizë të menduar veçanërisht për to. Të gjithëve u është kërkuar të dalin në oborrin e shtëpisë ku kanë ndjekur imazhet që shfaqeshin në projektorin e shtëpisë. Ato shikojnë Agron Llakaj, aktorin e humorit, moderatorin dhe drejtorin artistik të spektaklit të njohur "Portokalli", i cili gjendej në zonën e sallonit. Ai ka interpretuar për to rolin e nënë Anesë. Ka shkaktuar momente të vërteta humori, ka marrë pjesë në lojën e nënave që janë hedhur në litar, e më pas i ka marrë me vete, jashtë shtëpisë.

Banorët rrëfehen me copëza ditari

Para vendimit përfundimtar të televotimit, secili prej katër konkurrentëve ka treguar pak nga mendimet e tyre "sekrete". Adela ka lexuar pak pjesë të ditarit të saj, që Vëllai i Madh ua ka dhënë që me hyrjen e tyre. Këto fletë ditari ajo ia ka kushtuar të atit, një rrëfim emocionues. Nga akuariumi Adi ka shkruar vetëm dy fjalë dhe u ka dhënë një mesazh për ta votuar të qëndrojë në shtëpi. Nga dhoma e gjumit Qetsori po ashtu ka lexuar një pjesë emocionuese drejtuar bashkëshortes së tij, ndërsa Ari, i vendosur në tunel ka preferuar vetëm të japë një mesazh për ta mbështetur.


avatar
ADMIN
admin
admin

Numri i postimeve : 902
Points : 859
Reputation : 10
Registration date : 10/01/2009

Shiko profilin e anëtarit http://www.Bajzianet.com

Mbrapsht në krye Shko poshtë

Re: "BIG BROTHER"

Mesazh nga arberia prej Thu May 14, 2009 4:52 am

Po te me pyesin mua se kush do qe ta fitoje kete çmim70.000 euro,them se per loje spektakolare ta marre djali nga Dukati,Qetsori-shume finok dhe i zoti per çdo gje ne jete,3 muaj ne shtepi ,nuk eshte pak per te spikatur se si e perballon nje jete i detyruar ta besh ne bashkesi dhe ne nje lufte psikologjike me 15 apo 16 banore te tjere,pa asnje komunikim me jashte.
Por nuk do te ishte keq ta merrte edhe Adela ,kjo vajze 21 vjeçare,qe ka thyer shume tabu te qytetit te saj ,Kavaje.Konkurrente e forte edhe kjo.te shohim kete jave,eshte e shtuna vendimtare.te fitoje me i miri!
avatar
arberia
Antar i e shquar
Antar i e shquar

Numri i postimeve : 626
Points : 341
Reputation : 61
Registration date : 19/01/2009

Shiko profilin e anëtarit

Mbrapsht në krye Shko poshtë

Re: "BIG BROTHER"

Mesazh nga Sponsored content


Sponsored content


Mbrapsht në krye Shko poshtë

Faqja 3 e 3 Previous  1, 2, 3

Mbrapsht në krye


 
Drejtat e ktij Forumit:
Ju nuk mund ti përgjigjeni temave të këtij forumi